Djali i Fatos Nanos punësohet në administratë. Institucioni i rëndësishëm që do drejtojë

Sokol Nano, djali i ish-kryeministrit Fatos Nano është punësuar në administratë. Nga kjo e enjte ai do të drejtojë Agjencinë Shqiptare të Zhvillimit të Investimeve.

AIDA është një nga agjencitë më të rëndësishme për thithjen e investimeve të huaja.

Mësohet se Nano para dy javësh kishte fituar konkursin për nivelin e administratës civile TND (Trupi i nivelit të lartë drejtues).

Objektivat kryesore të AIDA-s janë tërheqja e investimeve të huaja, rritja e konkurrueshmërisë së ekonomisë shqiptare nëpërmjet mbështetjes të ndërmarrjeve të vogla dhe të mesme, si dhe inovacionit.