Ish-Kryeministri Berisha në një intervistë për Televizionin Klan, ka folur në lidhje me procesin e marrëveshjes detare mes Shqipërisë dhe Greqisë.
Berisha shprehet se ky pakt po shkon drejtë një zgjidhje politike-juridike dhe aspak teknike lidhur me marrëveshjen e kufirit detar mes dy vendeve.
Sipas ish-kryeministrit, pakti është i gjithi i negociuar vetëm nga pala greke dhe se nuk bazohet në traktatin e detit. Ai thekson kushtet e vënë nga Athina për mos respektimin e e vendimit të Gjykatës Kushtetuese, e bën dhe më antikushtetues gjithë këtë proces.
Lideri historik i PD, ka folur gjithashtu dhe për qëndrimin e Presidentit Meta. Ku theksohet se në kushtet e mosfunksionimit të Gjykatës Kushtetuese do të ishte e udhës që kjo marrëveshje të shtyhej. Por, për Berishën kjo është një padi që palët po i bëjnë kreut të shtetit.
Gjithashtu, ish-kryeministri ka theksuar se marrdhënit mes Athinës dhe Tiranës janë të turpshme dhe nuk kanë prespektivë apo të ardhme.
“Me marrëveshjen që pala greke i ka dorëzuar veglave të tyre në negociata, Shqipëria humbet 1300 km katror det dhe trilionat e naftës dhe gazit. Që në takimin e dytë, pala greke ka kërkuar zgjidhje politike-juridike dhe jo teknike, që Greqia kalon nga 6 në 12 milje dhe do t’i japë pala shqiptare ca ranishte dhe ujëra të pavlerë.
Tre takime kanë bërë, që në të parin pala greke i ka thënë se ne s’e njohim vendimin e Gjykatës Kushtetuese. Që në këtë moment, i bazuar në mosnjohjen e vendimit të Gjykatës Kushtetuese është fund e krye antikushtetues.
Pala shqiptare duhet të ngrihej nga tavolina dhe t’i thoshte se negociatat morën fund. Kjo përbën një padi që qeveria antishqiptare i bën institucionit të kreut të shtetit të Shqipërisë për qëndrimet e tij kushtetuese Janë marrëdhënie vasaliteti të turpshme, të cilat nuk mund të kenë as perspektivë dhe as të ardhme”.
Ti e shite detin me lulushin ,sali, duhet te jepni llogari mos beni ,viktimen.