Presidenti i Republikës, Ilir Meta ka deklaruar ditën e sotme se qytetarët e Kosovës meritojnë sa më parë liberalizimin e vizave me Bshkimin Europian.
Me anë të një postimi në ‘Facebook’, Meta bën me dije se këtë mendim e ka ndarë gjatë takimit me Presidentin e Sllovenisë, Borut Pahor, i cili po ashtu i kishte theksuar rëndësinë e vijimit të dialogut Kosovë-Serbi.
Qytetarët e Kosovës meritojnë sa më parë liberalizimin e vizave me Bashkimin Europian.
Të njëjtin qëndrim më shprehu sot edhe Presidenti i Sllovenisë, Borut Pahor, me të cilin gjithashtu nënvizuam rëndësinë e vijimit të dialogut Kosovë-Serbi për arritjen e një marrëveshjeje të qëndrueshme dhe reciprokisht të pranueshme nga të dyja palët, që do të përshpejtonte proceset integruese të këtyre vendeve.
E ardhmja e vendeve të Ballkanit Perëndimor nuk është ndryshimi i kufijve por heqja e tyre si në vetë Bashkimin Europian, nëpërmjet bashkëpunimit më të ngushtë rajonal dhe të distancimit nga e kaluara e hidhur,” shkruan Meta.