“I godiste fëmijët me shishe gjatë orës së mësimit!”/ Pezullohet nga mësuesi i shkollës në Bilisht, ushtroi dhunë ndaj nxënësve

Një mësues i gjuhës angleze në shkollën 9-vjeçare “Dritëro Agolli” në Bilisht është pezulluar nga puna pasi ka ushtruar dhunë ndaj disa nxënësve.

Sipas denoncimit të nxënësve, mësuesi i ka goditur me bidon uji gjatë mësimit. Pas denoncimit, drejtoria e shkollës vendosi pezullimin e mësuesit Alban Fetolli.

Pas komunikimit me Drejtoreshën e Drejtorisë Rajonale Arsimore në Qarkun e Korçës Vjola Rota, kjo e fundit theksoi për News24 se është në mbështetje të çdo nxënësi dhe se rasti po shqyrtohet në detaj, ndërkohë që ka urdhëruar dhe pezullimin e Fetollit.