Tensionet në Veriun e Kosovës/ Vuçiç publikon foto me Ramën: Diskutuam për gjetjen e një zgjidhje për situatën aktuale

Në kulmin e trazirave në Veriun e Kosovës, i gjendur në forumin GLOBSEC 2023 në Bratislavë,  presidenti serb Aleksandër Vuçiç ka publikuar disa foto në rrjetin social Instagram me kryeministrin e vendit tonë Edi Rama.

Vuçiç, krahas kryeministrit shqiptar, postoi foto edhe liderët e tjerë të Ballkanit, ku shkruan se është e domosdoshme që të bëhet çdo përpjekje për të ruajtur stabilitetin në rajonin tonë.

Po ashtu ai thekson se diskutuan edhe për hapat e mëtejshëm për gjetjen e një zgjidhje rreth trazirave në Veriun e Kosovës.

Postimi i Vuçiç:

Ne në rajon e dimë më së miri se sa e rëndësishme është që bashkërisht të bëjmë çdo përpjekje për të ruajtur paqen dhe stabilitetin e fituar me vështirësi. Diskutuam ngjarjet aktuale dhe hapat e mëtejshëm që do të kontribuonin në gjetjen e një zgjidhjeje për situatën aktuale të vështirë dhe serioze, me shpresën se arsyeja do të mbizotërojë, në të mirë të të gjithëve.

 

View this post on Instagram

 

A post shared by Aleksandar Vučić (@buducnostsrbijeav)