Kryetar i Partisë së Lirisë, Ilir Meta, ka treguar se është pro formimit të një qeverie teknike, por vetë nuk do të preferonte të ishte në krye të saj, pasi sipas tij, për një qeveri të tillë, drejtuesi duhet të jetë teknicien.
I ftuar në Neës 24, Meta u shpreh se me një organizim të fuqishëm të opozitës, regjimi i Edi Ramës rrezohet si rruga Korçë – Ersekë. Ai deklaroi se opozita duhet të organizohet shumë shpejt në një mënyrë të hekurt.
“Jemi për qeveri teknike, por opozita duhet të organizohet shumë shpejt në një mënyrë të hekurt, sepse kemi të bëjmë më një regjim që investon tek përçarja opozitës dhe krijimi i idesë që është një regjim i fortë, por në fakt është qesharak. Me një organizim të opozitës ky regjim do të rrëzohet si rruga Korçë – Ersek” tha Meta.
I pyetur nëse do të pranonte të ishte ai kryeministër i qeverisë teknike, Meta refuzoi, duke thënë se ai duhet të jetë teknicien.
“Nuk kam asnjë preferencë se ai përket kësaj çështjeje. Nuk pranoj unë të jem kryeministër për një qeveri teknike, sepse duhet të jesh teknicien” shtoi Meta.
