Një vajzë është gjetur e vdekur të premten e kaluar në një kishë të vogël të rrënuar mbi La Salle, në Luginën e Aosta .
Hetuesit kanë bërë të mundur e identifikimin e saj. Raportohet se ajo është një franceze 22-vjeçare, identiteti i së cilës u konfirmua nga disa të afërm që ndodhen tani në komisariatin e Aostës.
Si u zbulua trupi
Trupi i vajzës u zbulua nga disa alpinistë brenda “ish-kapelës” së fshatit Equilivaz , një fshat mes malit i braktisur prej vitesh dhe tashmë i kthyer në një grumbull gërmadhash, pak i frekuentuar dhe larg itinerareve turistike. Fotoja që iu shfaq para syve ishte e tmerrshme.
Në momentin e zbulimit, e reja kishte veshur një palë dollakë dhe një xhup. Pranë saj ishte një qese me marshmallows. Njollat e gjakut dhe gjurmët e tërheqjes zvarrë dukeshin në tokë, shenjë se kufoma ishte transportuar brenda ish-kapelës. Viktima përshkruhet nga ata që e panë trupin -si një ” vajzë shumë e re, rreth 20 vjeç, ndoshta edhe më pak,” . Ajo kishte një piercing në kërthizën e saj. Rreth trupit, përveç marshmallows, kishte letra dhe mbeturina të tjera. Policia ka marrë objekte të ndryshme nga ish-kisha, mes tyre edhe një gur të madh me njolla të ndryshme gjaku.
Sipas asaj që u konstatua nga rezultati i parë i autopsisë së kryer në trupin e të resë nga mjeku mjek Roberto Testi, ka qenë një hemorragji që ka shkaktuar vdekjen e vajzës . Gjakderdhja lidhet me plagët e gjetura në qafë dhe bark.
Vdekja, e dalë sërish nga autopsia, mund të datojë në periudhën nga fundi i marsit deri në ditët e para të prillit: është e vështirë të tregohet data e saktë, temperaturat relativisht të ulëta të atyre ditëve e ruajtën mirë trupin. Megjithatë, do të duhen disa ditë për të ditur rezultatet e analizave toksikologjike.
Para zbulimit, dikush e kishte parë me një djalë mësohet se ai fliste italisht me një theks të huaj.
Ata do të kishin thënë se së bashku po bënin “urbex”, eksplorimin urban të një lëvizjeje globale që rizbulon vendet e fantazmave. Ata që bëjnë këtë lloj aktiviteti shpesh kampojnë në këto vende dhe jetojnë atje.
