Deputetja e Partisë së Lirisë, Monika Kryemadhi ka dalë kundër Ilir Metës, i cili ka deklaruar se brenda partisë që ai drejton ka nepotizëm.
View this post on Instagram
Në një komunikim për mediat, ajo u shpreh se nepotizmi vlen për institucionet shtetërore dhe jo për partitë politike.
Kryemadhi deklaroi se Ilir Meta nuk e ka sulmuar si bashkëshorte, por si politikane.
“Mendoj që meritorkacinë në një parti nuk e mbyt dot nepotizmi. Nepotizmi është për institucionet shtetërore kur emëron. Ndërsa deputeti zgjidhet me vota. Mund të të emërojë Ilir Meta deputet, por problemi është që nuk të zgjedhin njerëzit me vota”, tha Kryemadhi.
Por Kryemadhi ishte dakord me Metën për deklaratat që ai ka bërë ndaj kreut të SPAK, Altin Dumani.
“Në çdo fjalë që Ilir Meta ka thënë për kapjen e drejtësie nga qeveria…jam dakord për mënyrën mendoj. E them përsëri vjen revolta, sepse njerëzit edhe revoltohen. Vazhdoj të mendoj se SPAK është një vegël e Edi Ramës”, u shpreh Kryemadhi.
Pyetje: Jeni ndjerë e sulmuar nga bashkëshorti juaj?
Kryemadhi: Mua më shumë sesa më ka sulmuar Rama dhe Veliaj. Pse nuk u dhimbset kjo ju? Bashkëshorti nuk më ka sulmuar si bashkëshorte, por si politikane. Ju ka ardhur keq juve që Veliaj ka paditur në SPAK mamanë time dhe fëmijët e mi. Ilir Meta më ka sulmuar si politikane, jo si bashkëshorte.
