Aksident i rëndë/ Dy makina përplasen me njëra – tjetrën, barrierat anësore futen mes përmes “Audit”. Dy të plagosur

Një aksident i rëndë raportohet të këtë ndodhur mbrëmjen e sotme (23 prill) në By- Passin Lushnjes.

Në aksident janë përfshirë dy automjete, ndërsa drejtuesit e tyre kanë përfunduar në spital, në gjendje të rëndë shëndetësore.

Mjetet mësohet se janë fërkuar në tentativë për të parakaluar dhe për pasojë, drejtuesi i automjetit tip “Audi” ka humbur kontrollon dhe është përplasur me barrierën anësore të rrugës.

Për shkak të përplasjes së fortë, një pjesë e hekurit të barrierës anësore ka përshkuar mjetin mes përmes.

Një seksion i barrierave anësore ka përfunduar jashtë autostradës ndërsa pjesa tjetër brenda mjetit. Nga aksidenti kanë mbetur të plagosur drejtuesi i mjetit dhe një tjetër bashkudhëtar me të.

Dy të lënduarit janë transportuar me urgjencë në spitalin e Lushnjës. Uniformat blu në vendngjarje po punojnë për të dokumentuar rastin. Nga të dhënat paraprake dyshohet se shkak ka qenë shpejtësia e lartë dhe reshjet në autostradë. Kjo pjesë e Bay Passit në Lushnje ka qenë vazhdimisht problematike nga reshjet dhe disa herë me fatalitete në aksidente.