Një 28-vjeçar nga Tirana është arrestuar nga policia e Elbasanit, pasi mbrëmjen e djeshme ka përplasur me makinë për vdekje një të moshuar.
Ngjarja, sipas policisë ka ndodhur në rrugën “Cërrik-Papër”, ndërsa viktimë ka mbetur një 76-vjeçar.
“Specialistët e Sektorit të Qarkullimit Rrugor të DVP Elbasan arrestuan në flagrancë shtetasin A. B., 28 vjeç, banues në Tiranë, pasi mbrëmjen e djeshme, në aksin rrugor “Cërrik-Papër”, me automjetin tip “Audi” që drejtonte, ka përplasur këmbësorin, shtetasin A. L., 76 vjeç, i cili si pasojë ka humbur jetën”, thote policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
Shfaq Komentet (0)