Ministri i Jashtëm, Igli Hasani ka reaguar për miratimin e Rezolutës së Përkujtimit të Gjenocidit në Srebrenicë, dukeu shprehur se Shqipëria e bashkë-sponsorizoi dhe e mbështeti këtë hap.
Ai tha se 11 korriku do të jetë dita për të nderuar viktimat e për të mbështetur të mbijetuar të kësaj tragjedie, një nga faqet më të errëta në historinë e Ballkanit, Evropës dh botës.
Reagimi i plotë:
Asambleja e Përgjithshme e OKB-së miratoi sot një rezolutë për përkujtimin e genocidit, të vitit 1995 në Srebrenicë.
Çdo vit, 11 korriku do të jetë dita për të nderuar viktimat dhe për të mbështetur të mbijetuarit e gjenocidit në Bosnjë – Hercegovinë dhe kudo, dhe një kujtim i ashpër i tmerreve të së kaluarës, në mënyrë që ato të mos përsëriten në të ardhmen.
Shqipëria bashkë-sponsorizoi dhe mbështeti këtë rezolutë, për një nga faqet më të errëta në historinë e Ballkanit, Evropës dhe botës.
