Vrasësi kryesor i kartelit Sinaloa është ekstraduar në SHBA nga Meksika.
Prokurorët pretendojnë se Nestor Isidro Perez Salas, i njohur si El Nini, ose Slacker, ishte një “vrasës kryesor” që punonte për djemtë e mbretit të drogës Joaquin Guzman, i njohur nga të gjithë si El Chapo.
Ai kërkohej në SHBA për trafik droge dhe armësh, akuza të cilat i mohon.
Zyrtarët amerikanë kishin ofruar një shpërblim prej 3 milion dollarësh, për informacionin që të çonte në kapjen e tij.
Prokurori i Përgjithshëm i SHBA Merrick Garland pretendon se El Nini ishte pjesë e prodhimit dhe shitjes së fentanylit nga karteli Sinola, një opioid sintetik vdekjeprurës , në Shtetet e Bashkuara.
Duke folur pas ekstradimit të shtunën, Garland pretendoi se El Nini ishte një nga vrasësit kryesorë të kartelit , ose vrasës me pagesë.
El Nini “ishte përgjegjës për vrasjen, torturimin dhe rrëmbimin e rivalëve dhe dëshmitarëve që kërcënuan ndërmarrjen kriminale të kartelit të trafikut të drogës,” tha Garland.