Moderatorja Roza Lati festoi dy ditë më parë ditëlindjen, ku mblodhi në një darkë të afërm e miq të saj, ku të pranishëm ishin edhe disa nga banorët e BBV3, me të cilët ajo ruan raporte të mira.
Ajo që u vu re ishte mungesa e Rike Roçit, e cila ka pasur një marrëdhënie të afërt me Rozën si para BBV, edhe gjatë eksperiencës së tyre në reality show.
Mungesa e Rikes në festë dhe mungesa e një urimi publik nga ana e saj, ngriti dyshimet se miqësia mes dy vajzave ishte krisur, por ish-banorja e BBV ka mohuar diçka të tillë.
Së fundmi, e ftuar në “Top Arena” Rikja teksa u pyet nëse ka ndodhur diçka mes saj dhe Rozës tha se e ka shumë xhan dhe shoqe Rozën dhe e ka uruar privatisht pavarësisht faktit që nuk ishte prezente tek ditëlindja e saj.
Ajo është shprehur se arsyeja e mungesës së saj ishin disa angazhime të saj.
