Këngëtari i famshëm botëror Justin Timberlake, u arrestua mbrëmjen e së hënës (17 qershor) në Sag Harbor të Nju Jorkut.
Sipas mediave ndërkombëtare, ylli i muzikës 43 vjeçar teksa ishte në gjendje të dehur, po drejtonte automjetin e tij, duke shkelur kështu disa prej rregullave të qarkullimit rrugor.
Pritet që Timberlake të dalë para Gjykatës ditën e martë (18 qershor).
Këngëtari i Pop-it ka dy koncerte këtë javë në Çikago, të ndjekura nga netët e njëpasnjëshme në Madison Square Garden në Nju Jork javën e ardhshme.
Në vitin 2023, përgjatë prezencës së tij si i ftuar në podkastin e Oprah’s Master Class, Timberlake u shpreh se në një fazë të jetës së tij alkooli i dukej si mbështetja e tij e vetme për të përballuar presionin e famës dhe të suksesit.
