Nuk janë të pakta rastet që ndjenja e urisë na “merr përpara” sa të konsumojmë ushqimet e sapo gatuara, pavarësisht temperaturave të tyre të larta.
Në këtë mënyrë zakonisht e pësojmë më djegie të qiellzës.
Ky problem trajtohet mjaft lehtë me disa kura natyrale, duke përfshirë produktet të cilat gjenden gjithmonë në kuzhinën tonë.
Hapi i parë është se duhet të konsumoni ujë të ftohtë shpesh herë brenda 10 minutat e para, por nuk rekomandohen kubat e akullit pasi këto të fundit mund ta dëmtojnë qiellzën më tej.
Qumështi e kosi zbusin krijojnë një shtresë të përkohshme që pengon irritimin e mëtejshëm të plagës.
Mjalti përveçse përshpejton procesin e shërimit, është një anti-infeksion i përkryer për këto raste pasi parandalon grumbullimin e mikrobeve.
Gargarë me ujë të kripur shmang çdo infeksion në mënyrë natyrale, ndaj mund ta përdorni këtë kurë 2-3 herë në ditë derisa plaga të shërohet.
Është e këshillueshme që në raste të tilla të konsumohen ushqime sa më të buta pasi zona e qiellzës është mjaft delikate pas djegies dhe lëkura e re e formuar është më e ndjeshme.
Gjithashtu kur lani gojën me furçë duhet kujdestë shtuar dhe mos të hiqet lëkura e djegur me duar pasi ka rrezik të lartë për të krijuar infeksion.
