![GSH APP](https://gazetashqiptare.al/wp-content/uploads/2022/04/gshok.jpg)
![Download on Apple Store](https://balkanweb.com/wp-content/uploads/2019/01/ios.jpg)
![Get it on Google Play](https://gazetashqiptare.al/wp-content/uploads/2022/04/android-app.png)
Një prej dëshmitarëve të aksidentit tragjik ku humbën jetën 3 persona, ka rrëfyer momentet e para të ngjarjes. Në një prononcim për mediat, ai tregon se si i kanë nxjerrë nga makina djalin e mitur 10 vjeç, dhe 35-vjeçaren Elona Keqa e cila kishte ndërruar jetë.
Sipas dëshmitarit, për shkak të terrenit të vështirë, dhe mungesës së mjeteve, banorët janë kapur me njëri-tjetrin duke krijuar një “zinxhir”, për të nxjerrë të plagosurit nga makina.
Fillimisht, ka dalë 10-vjeçari i cili ishte plagosur. Ai është dërguar me urgjencë drejt Spitalit të Traumës në Tiranë.
“Kam dëgjuar zhurmën dhe më pas me vrap erdha. Në atë kohë nuk pati njeri vërdallë. Më pas në atë kohë u grumbulluan të gjithë. Shkuam atje, vetëm atë djalin nxorrëm që ishte peshë e lehtë. Të tjerët nuk i nxorrëm dot, ishin brenda në makinë. Di se janë tre, ajo gruaja doli e dyta pas djalit. Makina ishte 8 metra poshtë në shkemb, duheshin shkallë të gjata. Shkallët nuk i sollën dhe kemi mbajtur njëri-tjetrin që i ngjitëm sipër, djalin. Gruaja vdiq. Ato dy të tjerët ngelën brenda dhe ndërruan jetë në makinë. Vetëm një makinë ishte aty poshtë, tjetra është më tutje. Djali ishte 7-8 vjeç. Unë ika pastaj se u lagëm. Erdhi policia. Më shpejt erdhi drejtori dhe komisari” -tha dëshmitari.
Më tej dëshmitari thotë se kjo është një situatë e përsëritur në këtë zonë. Ai tregon se barriera mbrojtëse është prishur prej 3 muajsh dhe nuk është rregulluar.
“Kjo është e treta herë që ka ndodhur. Ka dy muaj që është prishur trari. Ata nuk marrin masa. Ka qenë i prishur dy muaj, i shembur. Ka ndodhur nja 2-3 herë. Kaq kisha unë, ngushëllime familjes” – tha banori./panorama