Policia e Korçës ka bërë me dije se ka identifikuar dhe arrestuar poseduesin e 22 kg lëndëve narkotike të gjetur poshtë një ure.
Blutë sqarojnë se në pranga është vënë Gjergji Tallko, 29 vjeç, banues në Korçë.
Gjatë kontrollit që shërbimet e Policisë kanë ushtruar në mjetin me targa AA657CS si edhe në banesën e tij, iu gjetën dhe sekuestruan në cilësinë e provës materiale një sasi prej 233 gramë lëndë e dyshuar Cannabis Sativa.
Gjithashtu nga veprimet hetimore të kryera, dyshohet se ai mund të jetë autor i ngjarjes së ndodhur në rrugën Korçë-Mali i Moravës, ku poshtë një ure janë gjetur dhe sekuestruar në cilësinë e provës materiale 22 kg e 500 gr mbetje bimore të lëndës narkotike Cannabis Sativa.Po punohet për dokumentimin e plotë të ngjarjes.
Lidhur me këtë ngjarje, policia thotë se materialet i kaluan Prokurorisë të Rrethit Gjyqësor Korçë, hetime të mëtejshme.
