Aktivistja e shoqërisë civile Edlira Çepani, i bëri thirrje qeverisë nga protesta kundër rritjes së çmimeve që të ulë taksat prej 130 lekë të vendosura mbi 1 litër karburant.
Ajo theksoi se rritja e çmimit të naftës shoqërohet dhe me rritje zinxhir të produkteve të tjera, ku përfshihen dhe mallrat e shportës, si dhe buka.
“Kujt nga ju nuk i ka ardhur në majë të hundës me abuzimet që bëhen me taksat e rrogës që ne e nxjerrim me gjak. Ne e dimë që ka luftë, e dimë që ka krizë, por e dimë që ka dhe abuzime. Kemi taksat më të larta te karburenti në rajon. Nuk u rrit çmimi në momentin që e rritën të gjithë menjëherë. Është koha për të ulur taksat, paguajmë 130 lekë për një litër karburant.
Është koha për të ulur taksat. A e dini sa nëna baballarë vuajnë për bukën e gojës, ne nuk mund të tallemi me bukën e tyre. Sot këto shtresa ne duhet të ndihmojmë. Nëse rritet çmimi i karburantit, riten çmimet e transportit publik, rriten çmimet e shportës, rritet buka. Ne kemi në dorë vetëm zërin tonë, pasi kjo që po ndodh në Shqipëri është padrejtësi, drejtësi për shqiptarët”, tha Çepani.