LIFE STYLE

Depresion pas pushimeve? Ja si të rikthehemi në punë me një përvojë pozitive

13:00 - 08.01.20 Gazeta Shqiptare

Rikthimi në punë pas pushimeve verore/dimërore mund të rezultojë më i vështirë se sa e mendojmë. Shtatori dhe janari janë muaj që shënojnë rifillimin e aktivitetit për shumicën e punonjësve në botë dhe kjo është një periudhë jo shumë frymëzuese. Prandaj “Insight” sjell një artikull me pesë këshilla për të gjithë ata që sapo janë rikthyer në punë pas pushimeve, në mënyrë që ta nisim punën me sa më shumë energji pozitive.



Përgatituni për rikthimin tuaj në punë

I ngjashëm me procesin e përmbushjes së detyrave dhe përgjegjësive përpara largimit me pushime, në të njëjtën mënyrë ju duhet të përgatiteni edhe për rikthimin në punë. Sipas ekspertes Laura Vanderkam, autore e librit të fundit “168 Orë”, këshillohet që ju të riktheheni në punë një ditë më përpara ditës që ju takon për t’u rikthyer. Një gjë e tillë do t’ju ndihmojë të kontrolloni më me qetësi postën tuaj elektronike dhe të përditësoheni me të gjitha të rejat e fundit që kanë ndodhur gjatë periudhës kur ishit me leje.

Konsiderojini pushimet si një gjenerator për rifitim energjish

Sipas studimeve të fundit të kryera në universitetin e Stokholmit, kërkuesit Timothy Pychyl, Piers Stël dhe Alexander Rozental këshillojnë se pushimet e verës duhen parë si një gjenerator për të rifituar energji pozitive për rikthimin në punë. Ato duhen parë si çelësi drejt një performance sa më produktive dhe kreative.

Mos neglizhoni

Edhe pse rikthimi në punë është gjithmonë i vështirë, kjo nuk do të thotë që ju të tregoheni neglizhentë dhe të anashkaloni shumë prej atyre gjërave që duhet t’i përmbushni. Filloni me organizimin e postës suaj elektronike dhe mos lini asnjë ‘e-mail’ pa lexuar. Shkruani një listë me prioritetet tuaja dhe filloni sa më parë me përmbushjen e tyre, sepse sa më shumë t’i shtyni për më vonë, aq më shumë do t’ju shtohen dhe nuk do arrini t’i përmbushni në kohën e duhur.

Riorganizojeni tryezën tuaj të punës

Rifilloni punën duke organizuar fillimisht tryezën tuaj të punës. Studimet e fundit kanë treguar se punonjësit, të cilët e kanë tryezën e punës sa më të organizuar dhe çdo gjë është në vend e saj i mendojnë gjërat më me qartësi dhe janë më produktivë.

Mos merrni vendime të nxituara

Sipas psikologut Meredith Fuller, këshillohet se punonjësit të cilët marrin vendime të rëndësishme sapo kthehen nga pushimet, nuk kanë rezultuar të suksesshme. Merrni kohën që ju duhet pas pushimeve dhe do të shikoni se vendimet e mirëmenduara janë njëkohësisht edhe ato më të suksesshmet.

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *

This site uses Akismet to reduce spam. Learn how your comment data is processed.