Mbrëmja “Artistët për artin” në Teatrin kombëtar që ruhet 24 orë, hapet nga Anisa Markarian që flet magjinë e tempullit dhe forcën që i jep publiku. Kujtoi se shfaqjen e parë në teatër e ka parë më 1971. Daja i saj Prokop Mima ishte në skenë te shfaqja Arturo Ui e Pirro Manit. Prej asaj dite ka ëndërruar të ngjitet në skenë. “Teatri është unik e përgjegjësi. Vihet në teatër për t’u magjepsur” tha ajo para publikut në sallë. Pas saj në skenë u ngjitën grupi i nxënësve të Akademisë «Robert Radoja që recituan poezi patriotike përfshirë edhe atë të Pashko Vasës.
“E kam prezantuar në festivalin e 20. Është njeri që nuk zhgënjen kurrë. Kur e ftova në skenë mu përgjigj me një po të madhe”, tha Markarian duke ftuar në skenë Irma Libohovën. Para se të nisje këngën i kërkoi të tregonte lidhjen me teatrin. “Më lidh bashkëshorti im i ndjerë dhe si çdo i ri ëndërronte teatrin por punonte në estradë. Kam qenë e re kur kërkoja punë dhe kam qenë recitaliste në një dramë që kishte një titull me pranverë. Vinim këtu se ishte prapavija e estradës. Kam zgjedhur dy këngë duke menduar se kënga O Ylli i bukur personifikon Shqipërinë”, tha Libohova para këngës i shoqëruar nga pianistiAli Nerjaku. Më pas në skenë Juli Emiri dhe Adriana Tolka që recituan poezitë.
Interpretimi u ndoq nga një bisedë e Anisa Markarian me shkrimtaren Flutura Açka. Flutura lexoi fragmentin «Arkitekti» nga libri i saj dhe Anisa lexoi fragmentin «Urthi» nga libri i saj. Anisa prezantoi djemtë në kitarë Denis Hima, në tastierë Delar Turku, perkusionist Gert Hima pas së cIlës interpretoi trioja rock Andy Timmons – Gone. Më pas në skenë u ngjit Suela Bako dhe Vasjan Lami me recitimet e tyre.