Një ngjarje e rëndë është regjistruar në Itali, pasi infermieri Antonio De Pace, është arrestuar pasi ka vrarë të fejuarën e tij, e cila ishte studente e mjekësisë.
“Më ka ngjitur koronavirusin”-është shprehur ai në polici, duke treguar kështu arsyen që e shtyu të kryente vrasjen.
Infermieri 28-vjeçar dhe studentja ishin njohur në Poliklinikun e Messinës, ku 26-vjecarja Lorena Quaranta po kryente praktikën. Mbeten mister shkaqet e vërteta të vrasjes, nga momenti se dy tamponët mbi infermierin kanë rezultuar negativë dhe se çifti në rrjetet sociale dukej i lumtur.
Vrasja tronditi qytezën e Furcit, aq shumë saqë kryebashkiaku ka kërkuar që të zhvillohen funeralet të paktën në mënyrë private, edhe pse kjo gjë nuk lejohet më nga masat italiane kundër përhapjes së pandemisë së koronavirusit.
