Të tjera detaje mësohen mbi gjendjen shëndetësore të 5 pacientëve me COVID-19 që aktualisht ndodhen në terapi intensive në spitalin e Infektivit.
Aktualisht nga pacientët e prekur me këtë virus, vetëm 4 persona janë të intubuar, të cilët ndodhen në spitalin COVID 2, (Shefqet Ndroqi).
Mësohet se i shtruar tek Infektivit ndodhet mjeku reanimator, Roland Xhaxho, i cili ka probleme me frymëmarrjen, por fatmirësisht sipas bluzave të bardha ai nuk ka komplikacione të rënda. Po ashtu, një tjetër mjek i shtruar në COVID 1 është dhe Andi Koraqi, i cili nuk ka vështirësi në frymëmarrje.
Mes të tjerash, burimet bëjnë me dije se në këtë spital ndodhet dhe deputeti Ardiatik Alimadhi, i cili trajtohet me oksigjen me maskë. Ditën e sotme, vetëm një urgjencë mjekësore ka mbërritur në spital, ndërkohë që numri në total i të prekurve nga COVID ka shkuar në 400.
