Rritet numri i të prekurve me COVID-19 në Maqedoninë e Veriut, 38 raste të reja në 24 orë, 3 persona humbin jetën

Ministria e Shëndetësisë bëri me dije se gjatë 24 orëve të fundit  janë shënuar 38 raste të reja me COVID-19, ndërsa 3 persona kanë humbur jetën.

Sipas raportit, dy nga viktimat janë nga Tetova, të moshës 74 dhe 57 vjeç, ndërsa viktima e tretë është nga Shkupi, i moshës 53 vjeçare.

Ndërkohë, numri në total i viktimave ka shkuar në 121 persona, kryesisht nga Shkupi dhe Kumanova.

Në Maqedoninë e Veriut deri më tani janë regjistruar 2,077 raste me COVID-19.