Kryesore

Rokadë në FSHF/ Ikën Nurishmi, ja kush do të jetë shefi i ri i garave

11:22 - 24.06.20 Gazeta Shqiptare

Kampionatet në Shqipëri tashmë kanë një tjetër drejtues. Në Federatën Shqiptare të Futbollit është miratuar një rokadë në sektorin e garave. “Panorama Sport” ka mësuar se Marjus Sulejmani është tashmë shefi i ri i garave pranë institucionit të futbollit në vend. Me rikthimin e futbollit në vend është bërë edhe kjo rokadë mes drejtuesve të sektorit që merret me organizimin e kampionateve në vend. Kësisoj, Lysien Nurishmi zbret nga ky post pas thuajse gjashtë vitesh.



ROKADA – Komiteti Ekzekutiv në Federatën Shqiptare të Futbollit ka miratuar së fundmi një ndryshim në strukturën e drejtimit dhe organizimit të garave. Në postin e shefit të këtij sektori në FSHF është vendosur Marjus Sulejmani.

Një emër shumë i njohur edhe për klubet dhe futbollistët në vendin tonë. Sulejmani prej vitesh është pjesë e këtij sektori në FSHF si dhe prej shumë kohës është punonjës në administratën e Federatës Shqiptare të Futbollit. Duke qenë pjesë e strukturës në sektorin e garave, Sulejmani ka pasur kontakt të drejtpërdrejtë me të gjitha klubet thuajse të përditshëm si edhe është prej kohësh delegat në mbarëvajtjen e ndeshjeve si në kategoritë e ulëta edhe në Kategorinë Superiore. Me këtë rokadë, Lysjen Nurishmi pritet që të vendoset në krye të projektit të futbollit 5 x 5, të saponisur në FSHF. Nurishmi largohet nga posti i shefit të garave pas thuajse gjashtë vitesh, teksa është emëruar në dhjetor 2014. Mirëpo, me gjithë rëndësinë e këtij sektori për mbarëvajtjen e garave, për administratën e FSHF-së nuk duket aspak i tillë teksa vihet re një neglizhencë e theksuar në mosplotësimin e organigramës së FSHF-së. Për të mos thënë, një dëshirë për të fshehur gjithçka ndodh në administratën e institucionit të futbollit.

 

 

 

 

 

 

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *

This site uses Akismet to reduce spam. Learn how your comment data is processed.

CLOSE
CLOSE