3 punonjës të Drejtorisë së Shëndetit Publik në Durrës kanë rezultuar pozitiv me COVID-19. Bëhet me dije se ky institucion tashmë është mbyllur. Ditën e sotme këta të fundit ka marrë vetëm disa tamponë te Shtëpia e Fëmijës dhe më pas janë është larguar për në banesat e tyre. I fundit që ka ikur në banesën e tij, është shoferi i ambulancës, i cili transporton personelin që merr tamponët.
Sakaq mësohet se stafi i këtij institucioni të rëndësishëm sidomos në këtë situatë epidemie, është karantinuar. Nuk dihet ende se si, dhe kush, do të vazhdojë gjurmimin dhe hetimin e rasteve të dyshuara për koronavirus në këtë qytet.
Institucionet e shëndetit ende nuk kanë nxjerrë një njoftim zyrtar se si do të vazhdohet puna në qytetin e Durrësit, në të cilin rastet e reja të infeksionit raportohen çdo ditë.