Pasagjerët e një aeroplani të linjës Amsterdam-Ibizia, janë bërë dëshmitarë të një incidenti aspak të hijshëm. Kjo pasi dy nga pasagjerët, nuk pranonin që të vendosin maskë mbrojtëse ndaj përhapjes së COVID-19 dhe për këtë shkak janë konfliktuar ashpër me udhëtarët e tjerë.
Burrat e përfshirë në konflikt, raportohet se ishin turistë britanikë dhe nuk e ndaluan zënkën edhe pse aty pranë kishte fëmijë. Ata janë neutralizuar nga pasagjerët dhe personeli i aeroplanit e pas mbërritjes në Ibizia janë arrestuar nga policia spanjolle.
“Dy pasagjerë nuk pranuan që të vendosnin maskat mbrojtëse. Më pas ata u përfshinë në një konflikt fizik dhe shqetësuan së tepërmi udhëtarët e tjerë. Piloti informoi autoritetet lokale dhe pas mbërritjes ata kanë mundur që t’i arrestojnë ata”, tha një zëdhënës i policisë.
https://twitter.com/i/status/1289814188907311106