Bota

Mjeku vdes pak ditë pasi bëri vaksinën anti-Covid, nisin hetimet

21:30 - 13.01.21 Gazeta Shqiptare

Qendra për Kontrollin e Sëmundjeve në SHBA dhe kompania Pfizer po hetojnë në lidhje me vdekjen e një mjeku në Florida, i cili ndërroi jetë pak ditë pasi kishte marrë vaksinën anti-Covid.



Dr. Gregory Michael, 56 vjeç, ndërroi jetë dy javë pasi kishte marrë vaksinën e kompanisë Pfizer, ndërsa bashkëshortja e tij, është shprehur për mediat vendase se, ishte shumë mirë me shëndet.

“Ai pësoi një hemorragji në tru për shkak të reagimit të fortë ndaj vaksinës”, ka thënë ajo.

Pfizer tha se po heton në mënyrë intensive, por theksoi se nuk beson se ka një lidhje mes vdekjes së mjekut dhe vaksinës.

Vdekja e tij po hetohet edhe nga Qendra për Kontrollin e Sëmundjeve. Ata thanë se shkaku i vdekjes është në varësi të përfundimit të plotë të autopsisë.

E shoqja e mjekut tha se ai ishte pro-vaksinave, por ajo bëri thirrje që të bëhet kujdes me efektet anësore të saj, raportojnë mediat ndërkombëtare.

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *

This site uses Akismet to reduce spam. Learn how your comment data is processed.