Bandat shqiptare po kontrabandojnë dhe trafikojnë njerëz në Nottinghamshire dhe i punësojnë ata në fabrika të mëdha tregtare të kanabisit, ka thënë policia.
Policia e Nottinghamshire ka mbyllur 62 strofka kanabisi në tre muajt e fundit, gjysma e të cilave u vendosën në ndërtesa tregtare si fabrika dhe depo të papërdorura.
Një numër i njerëzve nga Shqipëria, të cilët nuk kanë asnjë lidhje me Nottinghamshire, janë vendosur brenda disa prej ndërtesave dhe janë mbajtur kundër vullnetit të tyre.
Ka pasur gjithashtu shtatë vjedhje kanabisi, ku kriminelët kanë hyrë në adresa të armatosura me armë për të kapur kontrollin mbi furnizimin e një bande tjetër.
Banorët kanë paralajmëruar policinë pasi kanë parë disa persona të armatosur dhe me çanta të mëdha kanabisi duke dalë prej këtyre ndërtesave.
Incidenti më i fundit ndodhi në Harcourt Street, Kirkby-in-Ashfield, menjëherë pas orës 4 të mëngjesit në ditën e Vitit të Ri kur u raportua një ndërhyrje.
Brenda, oficerët gjetën dhjetëra bimë kanabisi në dhoma të shumta, së bashku me një sërë pajisjesh të sofistikuara për rritje.
Inspektori detektiv Paul Lefford nga Policia e Nottinghamshire tha se disa kriminelë kishin vendosur madje të merreshin me rritje të kanabisit si “një mënyrë e thjeshtë për të fituar para“.
Por DI Lefford tha se rritja e kanabisit nuk ishte “një krim pa viktima” dhe ishte e lidhur me skllavërinë moderne, pastrimin e parave dhe dhunën.
“Ne jemi duke bërë punën hetimore për të zbuluar se kush i drejton fermat. Bëhet fjalë për të ndjekur zinxhirin dhe për të shkuar në krye.”
Bimë kanabisi me vlerë më shumë se 4 milion £ janë kapur nga Policia e Nottinghamshire gjatë pandemisë, disa prej të cilave u zbuluan në shtëpitë e njerëzve.
Mos ju duke ndonje cudi e madhe kur ndonjeri nga keta kriminele te pajiset me diplome te Britanise se madhe, pasaporte po nga ju dhe me pas te kandidoje per deputet dhe per minister, mjer ju se ku do perfundoni, sa te tille ka ne gjithe boten dhe qe kane identitet tjeter, te cilet kane bete krime duke vrare njerez dhe familjaret i kane shpallur te vdekur. Keto skenare te mafies nderkombetare duhen gjurmuar dhe denuar nga gjykata nderkombetare per te mos vazhduar asnjehere keta kriminele qe te falsifikojne dhe me pas te levizin te lire ne gjithe boten. Verifikimi me i specializuar duhet te behet me ane te ADN, si i gjalle, ashtu dhe i vdekur, te hapet varri ku eshte vendosur dhe emri, mosha, te krahasohet me ADN e familjareve te tij, keshtu qe vetem me keto menyra mund te gjesh kedo qe kerkon ose dyshon.