Covid-19 trondit Interin dhe detyron zikaltërit të jetojnë në ankth. Për momentin, virusi ka prekur të gjithë kupolën drejtuese të klubit. Kështu, dy administratorët e deleguar, Alessandro Antonello dhe Giuseppe Marotta si dhe drejtori sportiv Piero Ausilio kanë rezultuar pozitiv me Coronavirus.
Lajmi është konfirmuar nga Inter me anë të një njoftimi zyrtar për mediat, ku theksohet se është infektuar gjithashtu avokati I klubit Angelo Capellini dhe një pjestar i stafit teknik, emri i të cilit nuk bëhet i ditur. Fakti që një bashkëpunëtor i afërt i Antonio Conte është pozitiv shton frikën te skuadra zikaltër, e cila sipas protokollit sanitar do t’i nënshtrohet testëve të tjerë me tampon.
Shfaq Komentet (0)