Këngëtarja e njohur shqiptare, Fjolla Morina ka dalë nga burgu.
Gjykata ka refuzuar ekstradimin për në Shqipëri.
“Gjykata me datën 15 shtator 2021 ka refuzuar kërkesën e Prokurorisë për ekstradimin e saj dhe të njëjtes ia ka ndërpre menjëherë paraburgimin”, është shprehur avokati i këngëtares për mediat kosovare.
Kujtojmë që Fjolla u arrestua më 17 korrik në Prishtinë. Asaj iu caktua nga gjykata masa e paraburgimit prej 40 ditësh. Ndaj këngëtares rëndonte një dënim prej 6 vitesh e pak muajsh burgim, pasi u kap me armë pa leje në pikën kufitare të Morinës.
Këngëtarja dhe bashkëshorti i saj Fisnik Syla sistematikisht i kanë mohuar këto akuza, duke pretenduar se këngëtarja është e pafajshme.
Shfaq Komentet (0)
