Kryesore

Presidenti Meta takon kreun e LDK: Takim vëllazëror/ Kënaqësi të ndanim të njëjtin qëndrim mbi Procesin e Berlinit

16:07 - 25.11.21 gsh

Presidenti Ilir Meta është takuar me liderin e LDK, Lumir Abdixhiku.



Në kuadër të një vizite në Kosovë, presidenti Meta shkruan në facebook se në takim shprehu domosdoshmërinë e vijimit të Procesit të Berlinit dhe në këtë kuadër, të forcimit të bashkëpunimit rajonal, si faktor kyç për garantimin e stabilitetit, sigurisë dhe paqes në rajon, qëndrim i njëjtë edhe i Abdixhikut.

“Vëllazëror takimi në Prishtinë me Kryetarin e Lidhjes Demokratike të Kosovës, Lumir Abdixhiku, në prag të festës kombëtare, Ditës së Flamurit. Vlerësova rolin e pazëvendësueshëm të LDK-së në proceset shtetformuese, në ndërtimin dhe forcimin e institucioneve të Kosovës, mbështetur mbi trashëgiminë e vyer të Presidentit historik, Ibrahim Rugova. Kënaqësi të ndanim të njëjtin qëndrim mbi domosdoshmërinë e vijimit të Procesit të Berlinit dhe në këtë kuadër, të forcimit të bashkëpunimit rajonal, si faktor kyç për garantimin e stabilitetit, sigurisë dhe paqes në rajon”- shkruan presidenti Meta.

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *

This site uses Akismet to reduce spam. Learn how your comment data is processed.