Për të bërë një gjumë të mirë, të qetë dhe të rehatshëm, dhoma e gjumit duhet të plotësojë disa kushte themelore.
Këtu do të gjeni zgjidhje të ankesave të ndryshme të njerëzve, të cilët nuk e bëjnë gjumin rehat.
Ankesa: Nuk përçon qetësi
Zgjidhja: Nëse sa hyni te dera e dhomës, nuk keni një ndjesi qetësie, faji mund të jetë i ngjyrës së murit. Nuancat apo motivet e blusë së detit për shembull, mund të përçojnë qetësi.
Ankesa: Nuk është dhe aq e rehatshme
Zgjidhja: Krevati në përgjithesi zë qendrën e dhomës. Çelësi qëndron te cilësia e dyshekut.
Ankesa: Fqinjët shohin brenda dhomës
Zgjidhja: Merrni dy palë perde, një palë të trasha, që mund t’i kapni anash gjatë kohës që nuk jeni aty. Dhe një palë perde të tjera të holla tyli ose lino.
Ankesa: Nuk është e sigurt për fëmijën
Zgjidhja: Kur fëmija është i vogël, e mira është që krevati të jetë sa më i ulët, deri në dysheme. Këto lloj krevatesh janë moderne dhe dhoma duket më shik.
Ankesa: Është gjithmonë e ftohtë
Zgjidhja: Kur ngriheni në mëngjes nga shtrati është mjaft e vështirë.
Shtoni shilte me lëkurë deleje nga të dy anët e krevatit, përveç tapeteve apo rrugicave të buta e të ngrohta që mund të keni. Dy shtresa është më mirë se një, janë dhe në modë.
Ankesa: Nuk është romantike
Zgjidhja: Një rinovim i ndriçimit. Drita romantike, të buta e mikluese, krijojnë gjendjen që kërkoni. Vendosni ca abazhurë. Edhe qirinjtë bëjnë punë.
Ankesa: Është e zakonshme
Zgjidhja: I shtoni personalitet dhomës. Përveç fotografive tuaja, zgjidhni punimet e artit, të cilat ju frymëzojnë dhe që mund të ndiheni më mirë sa herë u hidhni sytë.
Përgatiti: Eva Ikonomi