Një grup tifozësh turq të futbollit kënduan emrin e Vladimir Putin gjatë ndeshjes së së mërkurës mbrëma mes klubit Fenerbahçe të Stambollit dhe Dynamo Kyiv, duke nxitur zyrtarët ukrainas të reagojnë.
Tifozët e Fenerbahçes bërtitën emrin e presidentit rus Vladimir Putin pasi shënoi Dinamo Kyiv gjatë ndeshjes kualifikuese të Ligës së Kampionëve. Kyiv mundi skuadrën turke 2 me 1 për të kaluar në raundin e tretë kualifikues të kompeticionit më të lartë evropian.
“Është shumë e trishtueshme të dëgjosh fjalët e mbështetjes nga mbështetësit e Fenerbahçes në favor të vrasësit dhe agresorit rus që bombardoi vendin tonë”, tha në përgjigje ambasadori i Ukrainës në Turqi, Vasyl Bodnar.
“Nuk i prisja këto këngë. Është për të ardhur keq”, tha trajneri i Dinamos, Mircea Lucescu për mediat turke pas ndeshjes.
“Ukraina e rrëzoi Vladimir Putinin në terrenin turk me rezultatin 2 me 1… Ne rekomandojmë tifozët turq të qëndrojnë në anën e fituesit”, tha zëdhënësi i Ministrisë së Punëve të Jashtme të Ukrainës, Oleg Nikolenko.