Olivia Newton-John, këngëtarja dhe aktorja më e njohur për rolin e saj në muzikalin “Grease”, vdiq të hënën në moshën 73-vjeçare.
Aktorja ndërroi jetë në shtëpinë e saj në Kaliforninë Jugore mëngjesin e sotëm, e rrethuar nga familjarët dhe miqtë.
Lajmin e trishtë e konfirmoi bashkëshorti i saj, John Easterling.
Në karrierën e saj pesë dekadash në muzikën country dhe pop, ajo ka shitur më shumë se 100 milionë disqe dhe ka pasur 40 hite në Billboard 100.
Ajo mundi dy herë kancerin e gjirit por u diagnostikua përsëri në vitin 2017.
“Ne kërkojmë që të gjithë të respektojnë privatësinë e familjes gjatë kësaj kohe shumë të vështirë. Olivia ka qenë një simbol i triumfeve dhe shpresës për më shumë se 30 vjet duke ndarë rrugëtimin e saj me kancerin e gjirit.”, ka shkruar bashkëshorti i saj.
/abcnews.al
