Një aksident i rëndë është regjistruar mbrëmjen e kësaj të shtunë në aksin Shkodër-Koplik. Si pasojë e ngjarjes, janë lënduar dy persona. Gjendja e të plagosurve nuk bëhet me dije për momentin.
Mësohet se nga forca e goditjes, njeri nga mjetet ka përfunduar në avllinë e një shtëpie.
Nga ana e saj, policia njofton se si pasojë është dëmtuar shtetasi K.Gj, dhe janë lënduar lehtë dy pasagjerët që ndodheshin në automjetin tip Volkswagen, shtetasit Xh. V. dhe S. G, të cilët janë dërguar në Spitalin Rajonal Shkodër për ndihmë mjeksore.
Njoftimi:
Rreth orës 20:50, në aksin rrugor Shkodër – Koplik, në afërsi të një karburanti, mjeti tip Benz, me drejtues shtetasin G. D. (oficer Policie) është përplasur me mjetin tip Volkswagen , me drejtues shtetasin K. Gj. 20 vjeç.
Si pasojë është dëmtuar shtetasi K.Gj, dhe janë lënduar lehtë dy pasagjerët që ndodheshin në automjetin tip Volksëagen, shtetasit Xh. V. dhe S. G, të cilët janë dërguar në Spitalin Rajonal Shkodër për ndihmë mjeksore.
Veprimet e para hetimore në vendngjarje për sqarimin e rrethanave dhe shkakut të aksidentit, po kryhen nga oficeri i Policisë Gjyqësore i Prokurorisë së Rrethit Gjyqësor Shkodër, Grupi Hetimor dhe Agjencia e Mbikëqyrjes Policore.