Ish kryeministri Sali Berisha ka reaguar në lidhje me provokimin e bërë nga kombëtarja serbe në Qatar, ku në dhomat e zhveshjes gjatë ndeshjes me Brazilin, u shfaq një flamur me simbole nacionaliste dhe me hartën e Serbisë ku përfshihej dhe Kosova.
Përmes një postimi në Facebook, Berisha dënon aktin e rëndë dhe kërkon përjashtimin e përfaqësueses serbe në mënyrë urgjente nga kampionati botëror.
Gjithashtu ai dënon dhe atë që e cilëson si heshtjen e turpshme të kryeministrit Rama në lidhje me çështjen.
“Shpërthim racizmi antishqiptar i ekipit të ultranacionalist serb në Katar. Dënoj me ashpërsinë më të madhe këtë akt primitiv të ekipit serbomadh të Beogradit dhe kërkoj përjashtimin e tyre urgjent nga kampionati. Dënoj heshtjen e turpshme të vasalit të Aleksander Vuçiçit, Edi Rama”, shkruan Berisha.