Me 250 mijë euro nga Moska në Shqipëri, arretohet izrealiti
Një sasi prej 250 mijë eurosh i është sekuestruar në Rinas një izraelitit këtë të diel, pasi sipas policisë, sasia e parave nuk ishte deklaruar në doganë.
Paratë u zbuluan gjatë kontrollit fizik të tij, i cili ishte duke udhëtuar nga Moska për Shqipqri. Mbi 49-vjeçarin rëndon akuza “mos deklarimi në kufi i të hollave dhe sendeve me vlerë”.
Njoftimi i policisë
Policia Kufitare sekuestron 250.000 euro
Shërbimet e Policisë Kufitare ne hyrje ushtruan kontroll fizik ndaj shtetasit izraelit E.R., 49 vjeç, lindur dhe banues ne Izrael.
Gjatë kontrollit në bashkëpunim me Doganën Rinas, shtetasit E. R., i cili udhëtonte nga Moska për në Shqipëri, iu gjetën një sasi valute në kartemonedha euro të padeklaruara në degën e Doganës Rinas, shuma prej 250.000 Euro.
Materialet do t’i kalojnë Prokurorise se Rrethit Gjyqesor Tirane për veprime të metejshme, në ngarkim të shtetasit E.R, për veprën penale “Mos deklarimi në kufi i të hollave dhe sendeve me vlerë”.
