Çdo marrëdhënie, sipas ekspertëve, kalon në 5 faza të ndryshme dhe nuk ka vend për përjashtime. Madje njëra prej fazave është tepër kritike.
“Bright Side” ka publikuar pikërisht këto faza, duke këshilluar çiftet që të tregohen të kujdesshëm.
Faza e parë: Rënia në dashuri
Ju sapo keni takuar dikë të veçantë dhe çdo gjë është në fazën e muajit të mjaltit. Ju keni flutura në stomak sa herë që shihni dashurinë tua dhe shikoni herë pas here telefonin për të parë nëse keni një mesazh apo thirrje prej tyre. Përpiquni ta ruani këtë ndjesi në mendjen tuaj, pasi do t’ju duhet më vonë për të rifreskuar marrëdhënien tuaj.
Faza e dytë: Jeni në një lidhje
Ju mendoni se marrëdhënia juaj është serioze dhe jeni gati të zotoheni për të. Normalisht në këtë fazë, ju jeni ende duke u përpjekur të kaloni sa më shumë kohë që të jetë e mundur së bashku, të ndani të gjitha mendimet dhe ndjenjat tuaja. Megjithatë, rutina fillon të kontaminojë euforinë. Është sikur të gjejmë dallimin midis udhëtimit dhe emigrimit, destinacioni është i njëjtë, por përgjegjësitë janë krejtësisht të ndryshme. Mos e humbni lidhjen që ekziston midis prej jush. Kushtoji pak kohë vetes suaj, shkoni për një shëtitje të bukur relaksuese ose për të parë një film. Mbajeni atë lidhje, është shumë e veçantë dhe shumë delikate.
Faza e tretë: Rutina dhe zhgënjimet në marrëdhënien tuaj
Ju keni ende ndjenja të forta për partnerin/en tuaj, por diçka duket ndryshe në marrëdhënien tuaj. Ju nuk ndiheni të ngazëllyer për të shpenzuar çdo minutë së bashku ashtu si më parë. Përgjegjësitë e përditshme, faturat, angazhimet e punës dhe shtëpisë i ndryshojnë rrugën romancës dhe nganjëherë ndiheni të bllokuar në të gjithë këtë rutinë dhe filloni të pyesni veten nëse keni bërë zgjedhjen e duhur. Kjo është pjesa më e rrezikshme e marrëdhënies dhe nëse arrin ta kaloni së bashku, ekziston mundësia që të keni kaluar pjesën më të vështirë të marrëdhënies suaj. Prandaj në këtë fazë duhet të kujtoni ndjenjat që keni pasur nga ditët kur sapo jeni takuar (faza e parë). Dhe mos harroni se jeta nuk është vetëm për fëmijët tuaj, ju meritoni edhe disa kohë për veten tuaj.
Faza e katërt: Stabilitet
Në këtë fazë, ju ndiheni shumë të sigurt në marrëdhënien tuaj dhe e njihni shumë mirë njëri-tjetrin. Ju nuk mund të ndjeheni sikur po lundroni mbi retë si keni bërë në fazën 1, pasi faza e tretë e mjerimit ka mbaruar. Ju keni mësuar gjithashtu që t’i jepni njëri-tjetrit hapësirë, e kuptoni se partneri juaj mund të ketë hobi dhe zakone, dhe është në rregull, nuk duhet të jeni si binjakë siamezë gjatë gjithë kohës.
Faza e pestë: Përkushtim
Nëse keni arritur në këtë fazë, urime, ju jeni bërë partnerë për jetë. Tashmë nuk ju mungon faza e parë, sepse ju jeni shumë të kënaqur me marrëdhënien tuaj dhe nuk mund të imagjinoni që ajo të jetë ndryshe. Ju gjithashtu keni pranuar se ne jemi të gjithë të përsosur në papërsosmëritë tona. Mësojini fëmijëve se si i keni mbajtur ndjenjat tuaja gjallë gjatë gjithë jetës, natyrisht që keni kaluar nëpër disa sfida, por dashuria e vërtetë mund t’i tejkalojë ato.
