Aktori i humorit, Bes Kallaku, ka zbuluar detaje për projektin e tij më të ri. U tha pak më parë se ai do të publikojë një film. Në postimet e fundit në “Instagram” Besi ka treguar më tepër nga ajo që është duke përgatitur për fansat.
Aktori ka publikuar një poster ku shfaqet një foto e tij dhe ku shkruhet: “Voto Partinë Para Albania. Stop vjedhjes ër ejjj”, ndërsa në përshkrim të fotos ka zbuluar se ka 2 vjet që po punon për këtë film. “Vjen së shpejti. Një projekt që ka mbi dy vite me të cilin po punoj.
Filmi: Falco. Zoti ju rujt ër ejj”, shkruar ai. Teksa nga posteri i filmit kuptohet se historia do të flasë për një politikan që siç duket do të interpretohet nga vetë Besi. “Jam e bindur në suksesin dhe finalizimin e çdo projekti tëndin, aq më tepër këtij në të cilin kam qenë dëshmitare e çdo ditë pune tënden. Mbarë shpirt, me Zotin në krah”, ka shkruar më pas Xhensila Myrtezaj në një ripostim të bashkëshortit të saj.
