Një objekt tepër i rrezikshëm për jetën e qytetarëve është gjetur në qarkun e Elbasanit pasditen e kësaj të enjteje.
Burimet bëjnë me dije për Gazetën Shqiptare se një bombë e pashpërthyer, e cila i përket vitve 1946 është pikasur në afërsi të shkollës së fshatit Mengël në njësinë Labinot.
Të njëjtat burime konfirmojnë se mjeti shpërthyes ndodhet në një kanal pranë shkollës në fjalë.
Pas zbulimit, shërbimet përkatëse shtetërore kanë mbërritur në vendngjarje për të kryer dhe procedurat e rastit, në mënyrë që mos rrezikohet jeta e banorëve të zonës.
Njoftimi i policisë:
Elbasan/Informacion paraprak
Më datë 12.05.2022, ka ardhur njoftim në sallën operative të DVP Elbasan, se në fshatin Mengël, në një përrua, është konstatuar një predhë e vjetër luftarake, e pashpërthyer.
Grupi hetimor ndodhet në vendngjarje dhe pritet mbërritja e forcave antieksploziv, për çaktivizimin dhe heqjen e predhës.
