Kreu u grupit parlamentar të PD-së, Gazment Bardhi nga Kuvendi deklaroi se po shkelet rregullorja, pasi sipas tij, do të duhej të ishte futur në rend dite mocionin me debat për trafikun e drogës, duke u ndalur te hetimet për Xibrakën.
Bardhi u shpreh se “Keni marrë përsipër të bëni avokatinë e Olsi Ramës, morët urdhër politik për ta bllokuar. Keni detyrim të shpjegoni pse e bllokoni.”
“Ju keni vendosur t’i hiqni cdo mundesi kontrolli opozitës”, theksoi ai.
Bardhi: Në shkelje të rregullores ju anashkaluat një çështje që është shqyrtuar në konference e kryetarëve, në kundërshtim me rregulloren keni vendosur mos e sillni ne seance. Duhet te respektoni atë dispozitë që u aplikua në Konferencën e Kryetarëve.
Grupi i PD, ka paraqitur kërkese për mocion me debat në lidhje me trafikimin e lëndëve narkotike në Shqipëri.
Duke shprehur dhe shqetësimin qe lufta e qeverise ne raport me kete fenomen ka ceduar duke favorizuar grupe kriminale. Për këtë kemi sjelle, rastin e vëllait të kryeministrit Olsi Rama, sa i takon laboratorit në Xibrakë.Ju keni vendosur t’i hiqni cdo mundesi kontrolli opozitës.
Keni marrë përsipër të bëni avokatinë e Olsi Ramës. Morët urdhër politik për ta bllokuar. Por keni detyrim të shpjegoni pse e bllokoni. Kemi detyrim për 10 minuta kohë të shpjegojmë pse duhet futur mocioni në seancë. Nuk mund të mbyllni kuvendin se pse nuk keni mbyllur dot procedimin penal për zotin Rama.