Aktorja Egla Ceno është zgjedhur lidere e shtëpisë së “Big Brother VIP” një natë më parë dhe si e tillë, ajo kishte fituar edhe një avantazh në lojë.
Egla duhet të çonte në televotim dy persona, pa pasur mundësin të përfshinte veten, për t’i përballur për të shkuar në finale.
Banori që ka më shumë vota shkon në finale, ndërsa tjetri do të jetë në nominim të vazhdueshëm deri sa publiku të vendosë ta mbajë ose jo në shtëpi.
Përballë kësaj zgjedhjeje, të cilën Egla e cilësoi të thjeshtë, vendosi që në televotim të dërgojë Heidin dhe Romeon.
“Unë nuk e kam shumë të vështirë, duke parë situatën që jemi, dhe mendoj se është e drejtë kështu. Mendoj se publiku kësaj radhe të vendos dhe dua të ti çfarë do vendosi për Heidin dhe Romeon. Të ndahet shapi nga sheqeri në fund të ditës”, tha Egla.
Çifti u njoftuan që do të jenë në televotim, por nuk do të dinë se për çfarë.
