Një ngjarje tragjike ka ndodhur në fshatin Livadia në Greqi, ku një ditë më parë, të Premten 3 majit, një vajzë 15-vjeçare është gjetur e pajetë në banjën e shtëpisë së saj.
Sipas mediave greke, vajza adoleshentë është gjetur nga prindërit e saj, të cilët thirrën menjëherë një ambulancë, por ishte tepër vonë.
Sipas LamiaReport , 15-vjeçarja kishte ardhur nga Gjermania në Greqi me familjen e saj për të kaluar festën e Pashkëve në shtëpinë e prindërve, por asgjë nuk shkoj siç ishte menduar.
Ende është i paqartë shkaku i vdekjes së 15-vjeçarës, ndërsa policia përjashtoi mundësinë e një vrasjeje, pasi sipas tyre gjithçka tregon se 15-vjeçarja është larguar nga jeta për shkaqe patologjike.
Megjithatë, për të hedhur më shumë dritë mbi ngjarjen tragjike, është urdhëruar që trupit të saj t’i kryhet një autopsi.
