Gjashtë të porsalindur kanë vdekur nga zjarri në një spital për fëmijë në kryeqytetin e Indisë, Nju Delhi, siç njoftuan sot autoritetet lokale.
Në pamjet e transmetuara nga rrjetet televizive, shihen zjarrfikësit duke tentuar të shuajnë zjarrin, i cili ra mbrëmë në spitalin në pjesën lindore të qytetit.
Departamenti i zjarrfikësve i tha agjencisë së lajmeve ANI se gjashtë fëmijë të tjerë u shpëtuan dhe u dërguan në një spital tjetër. Tashmë zjarri është nën kontroll.
A massive fire broke out in a neonatal intensive care hospital in New Delhi’s Vivek Vihar last night.
In which 6 newborns died, 12 children were rescued, 1 is on ventilator and 5 others are hospitalized: Delhi Fire Service. #FCKB04 #FACUP24 #FatihTekkeYuvaya #HalaMadrid #KRC20 pic.twitter.com/aGBuKreSkK— jagritimedia.com (@jagriti23091982) May 26, 2024
Sipas policisë, pronari i spitalit të fëmijëve është zhdukur. Shkaku i zjarrit është duke u hetuar dhe përgjegjësit do të mbajnë përgjegjësi, tha një zyrtar lokal.
Zjarri shpërtheu një ditë pasi 27 persona humbën jetën në një zjarr në një park argëtimi në shtetin perëndimor të Gujarat. Mediat lokale raportojnë se për këtë incident janë arrestuar dy persona.