Të paktën 11 persona kanë vdekur dhe më shumë se 60 janë të zhdukur si pasojë e dy anijeve të mbytura në brigjet e Italisë jugore, thonë ekipet e shpëtimit.
Organizata bamirëse gjermane RESQSHIP tha se mori 51 persona nga një varkë prej druri që po fundosej dhe gjeti 10 trupa të bllokuar në kuvertën e poshtme pranë ishullit Lampedusa të hënën.
Në një incident në të njëjtën ditë, më shumë se 60 persona u raportuan të zhdukur, ku 26 prej tyre dyshohet se ishin fëmijë, tha Médecins Sans Frontières (MSF).
“Varkat mbanin emigrantë që ishin nisur nga Libia, Turqia, Siria, Pakistani dhe Bangladeshi”- thanë agjencitë e OKB-së.
Të mbijetuarit pranë Lampedusa-s iu dorëzuan rojes bregdetare italiane dhe u nxorën në breg mëngjesin e së hënës, ndërsa të ndjerit po tërhiqeshin në ishull, sipas RESQSHIP.
Anija tjetër e mbytur ndodhej rreth 125 milje larg brigjeve të Kalabrisë në Italinë jugore, thanë agjencitë.
Një nga 12 personat e mbijetuar vdiq pasi zbarkoi, tha roja bregdetare italiane.
Mesdheu është rruga më vdekjeprurëse e njohur e migrimit në botë. Më shumë se 23,500 emigrantë kanë vdekur ose janë zhdukur në ujërat e saj që nga viti 2014, sipas të dhënave të OKB-së.
