Ish-drejtori i policisë, Artan Didi ka larguar në vitin 2014 nga detyra 5 drejtues të lartë edhe pse ishin vlerësuar me gradën “Drejtues i Parë”. Njëri prej tyre, ishte Artan Cuku që u vra sot para shtëpisë së tij.
Motivacioni i lirimit “shkurtim funksioni organik dhe pamundësi emërimi në një detyrë tjetër” neni 57 pika 2 gërma b e ligjit për Policinë e Shtetit.
Personat e përjashtuar nga puna ishin:
- Tonin Voci ish drejtor i krimeve të rënda në DPPSH (Drejtoria e Përgjithshme e Policisë së Shtetit)
- Artan Cuku ish drejtor i policisë së Qarkut Vlorë
- Arjan Bozhgaj ish drejtor i policisë në Fier.
- Nikolin Bala ish drejtor i operacionales në DPPSH
- Astrit Halili ish drejtor i standardeve profesionale
Sipas urdhrit të Drejtorit të Përgjithshëm të Policisë së Shtetit Artan Didi ndaj këtyre punonjësve të policisë ndërpriten marrëdhëniet financiare që nga data 1 Qershor 2014.
Këto shkarkime vinë në një moment që shoqata të ndryshme po kundërshtonte me forcë largimet nga policia.
Policët kërkuan:
1- Anullimin e Urdhrave te Drejtorit te Përgjithshëm dhe rikthimin në detyrë teë punonjësve te policisë të liruar padrejtësishte nga detyra .
2- Ndërprerjen e lirimeve të kundraligjshme nga Policia e Shtetit .
3- I kërkojmë Drejtorit të Përgjithshëm të ushtrojë autoritetin që I jepe ligji dhe të mbajë Organizatën e Policisë jashtë ndikimit politik dhe krahinore .
4- Pastrimin e Organizatës së Policise nga punonjës policie të inkriminuar.