Të flasësh për të është sikur të ulesh dhe të shkruash disa libra sepse ai vet është historia e shqiptarëve. Një karrierë mbi 30 vite që i ka kushtuar karatesë në përgjithësi, por edhe kickboksit e thai-box. Flasim për Azem Maksutaj, krenaria e shqiptarëve dhe kampioni i shumëfishtë botërorë që vjen në një intervistë ku hap zemrën që nga fillimet e tij, shpërngulja në Zvicër, arsyeja pse shkoi, qëndrimi atje dhe sportin që ka kultivuar. Njihet si një nga shqiptarët më të famshëm në mbarë botën Si është zhvilluar jeta e tij deri më sot dhe si vazhdon më tej, këto e shumë gjëra të tjera i flasim vet me Azemin. I sinqertë dhe shumë i dashur për shqiptarët, e lexojmë bashkë intervistën.
U bënë disa vite që merresh me këtë sport, na thuaj kush të motivon dhe cilat janë pritshmëritë?
U bënë 30 vite me këtë sport dhe kam pasur fatin, sepse ka nisur si hobi pastaj është bërë profesion, pritshmëritë kanë qenë më të mëdha, më ka motivuar Rocky dhe kam thënë vetes që dua të bëhem kampion e të lëviz botën, e kam parë veten si ambasador i shtetit tonë dhe më ka shtyrë edhe më shumë.
E ke pasur problem fillimin, baticat zbaticat, përkrahja nga dikush?
Unë kam ardhur në Zvicër në vitin 1991 ka qenë shumë vështirë për një shqiptar të arrijë se në atë kohë kemi pasur shumë probleme, fillimisht me azilantë dhe kanë ndodhur gjëra të këqija jemi quajtur si popull i keq dhe unë si sportist shqiptarë në boks ka qenë hendikep i madh që të kem sponsor dhe të shkruajnë mediat për mua pasi që në atë kohë kam qenë i vetmi këtu dhe iu kam zbardhur fytyrën shqiptarëve në vitet e ‘90-të. Ky sport nuk ka qenë olimpik dhe nuk është përkrahur nga shteti dhe ka qenë shumë e vështirë të arrihet, por më ka shtyrë më shumë ajo se nga kam ardhur që të tregojmë se nuk jemi sikur na kanë quajtur atëherë. Përkrahje të vetme kam pasur vetëm nga shqiptarët që kanë ardhur të më ndjekin.
Po ndonjë idhull që mendon se ndjek hapat e tij në botë a e ke?
Rocky më ka motivuar më së shumti, e kam motivuar veten …
Kush mendon sipas teje po ngjitet fuqishëm në sportin që ti kultivon?
Momentalisht janë shumë shqiptarë që ngjiten në sportin luftarak, do them disa emra që mos hidhërohen, është Ilir Latifi, Robin Krasniqi e Florian Marku, por ka edhe të tjerë po kush e ka fatin del në media…
Cilat janë planet që ke planifikuar këtë vit?
Këtë vit kanë ndryshuar planet se ushtrohemi në shtëpi, kam plane të mëdha, sepse unë merrem me fëmijë që kanë probleme familjare dhe merrem me këtë profesion si idol i tyre. Kam me pasur shumë punë në këtë vit, po përgatitem individualisht, sepse përkohësisht pas një kohe nuk do të ushtrojmë me grupe, por në mënyrë individuale, ndryshe kam shkollat e mia, ushtroj me djalin tim Leandro që ushtrohet në futboll dhe e përkrah shumë në këtë drejtim.
Po çfarë mendon të arrish në karrierë, cilat janë synimet?
Unë jam 14 herë kampion bote dhe nuk kam asnjë humbje, synime kam të ndihmoj të rinjtë që kanë shumë talent dhe të ushtrojnë e të fitojnë tituj, sepse ne shqiptarët kemi në gjene për të arritur suksese, kemi këngëtarë të famshëm, sportistë etj.
Sa ndeshje ke pasur deri më tani, në sa ke dal fitues e sa humbës?
Te ndeshjet e para rreth 50 kam pasur vetëm 3 humbje, në 97% të tyre kam fituar nën kategori të mesme e në kategori të rëndë kam rreth 30% humbje, por total janë rreth 200 meçe, e prej tyre 80% kam fituar, kam tituj nga të gjitha kategoritë nga gjitha federatat i kam rripat dhe 20 vite kam qenë në Top20 në mbarë botën në kategorinë e rëndë. Kur jam futur në ring asnjëherë nuk jam dorëzuar, i kam lënë porosi ekipit tim që peshqirin nuk kanë guxuar të nxjerrin në ring në të gjitha 200 meçet e mia dhe ky është një fakt i vërtetë.
A mendon se humbja ndonjëherë të kthen prapa apo të bën më të fortë?
Unë mendoj se humbja nuk më ka kthyer mbrapa e as nuk më ka bërë më të fortë, sepse unë kam qenë më i fortë, në kategori të rëndë i kam pasur disa lëndime në dokumentarin tim i kam të gjitha, por në kategori të rëndë dhe aty me arsye për shembull kundërshtarët kur kanë qenë me kilogram më shumë se unë. Humbja për mua nuk ka luajtur rol e as mësim, sepse unë kam ushtruar gjithandej.
Çfarë ju shtyu të merreshit me këtë sport?
Të merrem me këtë sport si i ri kam pasur babain në Zvicër dhe disa kaseta të Rocky dhe nja 1000 herë e kam parë filmin e më ka shtyrë të vij këtu. Ka qenë një nga sportet që më ka pëlqyer më shumë edhe një nga më të rrezikshmet, por kam sfiduar veten dhe më ka pëlqyer shumë edhe pse kam pasur oferta të merrem me sporte edhe më të rrezikshme, por nuk kam pranuar e kam përfunduar karrierën si kampion.
Cilat janë disa cilësi që karakterizojnë një karateist të suksesshme?
Një karateist apo sportist sikur unë e karakterizon suksesi, trajnimi, talenti e bën të veten që të bëhesh më shumë se ata, ditë e natë ushtrime përgatitje dyfish më shumë se kundërshtari.
Më mirë të kesh apo të dish?
Natyrisht që të dish, sepse dituria të sjell dhe financat, 60% të dish dhe 40 të kesh.
Ndjekja e trendeve, a është domosdoshmëri?
Unë mendoj që njeriu nuk duhet të shkojë në trende të ndryshme, por kush dëshiron të arrijë diku duhet të shkojë gjithandej..
Si do ta përshkruanit stilin tuaj?
Stil luftarak (qesh), agresiv kur futem në arenë të luftoj, këtë e kam pasur për shkak të ushtrimeve të mëdha që kam pasur dhe nuk kam ditur të ndaloj.
Cilat janë brandet e preferuara?
Për mua nuk luan shumë rol ka disa gjëra që mua më pëlqejnë varet Louise Vuitton, Nike, por kryesorja të më pëlqejë dhe qëndrojë mirë në trup, ajo me rëndësi ka.
3 kombinime veshjesh: drekë familjare, punë në zyrë, një natë në party?
Drekë familjare veshi çfarë të dua, më shumë veshje klasike, parapëlqej ngjyrat kur dal me familjen, party nuk ka më për mua (qesh), por varet me ndonjë ftesë. Nuk jam i zyrave, por ndonjëherë duhet të vishem edhe me kravatë, sepse jam sportist dhe pëlqej më shumë veshjen e thjeshtë që të ndihem më komod.
Si e shihni të ardhmen tuaj të ëndrrave?
E ardhmja ime nuk i dihet tash, një vilë në Kosovë tashmë e kam dhe në Zvicër dhe nja 2 në SHBA dhe 2 në Tajlandë, janë mjaft, ëndrra ime është që gjatë verës kur të jem në Kosovë gjatë verës dua vendet ekzotike si në Tajlandë kur edhe e njoh gjuhën e tyre, mos të jetoj gjithë vitin në Kosovë ose Zvicër, sepse preferoj vendet ekzotike varësisht nga stinët e vitit, pastaj sigurisht që shëndeti i familjes për mua ka shumë rëndësi.
3 fakte të rastësishme për ju që nuk i dinim më parë?
Kur kam qenë në shkollë kam qenë shumë në peshë dhe biçiklisti i parë atje, fakt që nuk e ka ditur askush deri më sot. Kam jetuar disa vite në Tajlandë dhe nuk ka qenë shumë thjeshtë si shqiptarë në Zvicër të marrish mentalitetin zviceran dhe atje në Tajlandë të marrësh mentalitetin atje ka qenë shumë e vështirë.
Cila është një ditë tipike e juaja?
Kur kam boksuar jam zgjuar në ora 7 të mëngjesit për ushtrime, tash ditë tipike zgjohem mëngjes në ora 8-9 e pasi zgjohen fëmijët i çojmë në shkollë, pastaj në drekë me fëmijët e në mbrëmje kemi ushtrimet, pastaj televizion, flasim me miqtë dhe gjumë (qesh).
Çfarë ka ndryshuar në jetën tuaj gjatë këtyre viteve?
Para 13 viteve më ka lind djali i madh më ka ndryshuar jeta total dhe kur të krijosh familjen nuk rrezikon shumë, sepse nuk je i njëjti person ka shumë ndryshime të mëdha sepse përpara nuk jam lodhur edhe sikur të vdes por kur ke familja nuk e bën më këtë gjë, ky është ndryshimi në sportin luftarak sepse suksesi arrihet para krijimit të familjes.
Jeni mjaft aktive në rrjetet sociale?
Tashmë rrjetet sociale janë si media për të lexuar të rejat, shoh dhe televizion, komunikoj me gjitha kompanitë dhe janë gjëra që lidhen…
Si është Azemi në:
një studio fotografike?
Shumë macho…
një party?
Edhe aty jam macho, kur je kampion bote të hapen dyert se je shumë cool, të vallëzoj nuk di (qesh).
para pasqyrës?
Kur është njeriu i bukur duhet të shihet më shumë, rruhem dhe rregulloj flokët nuk qëndroj shumë (qesh).
në shtrat?
Në shtrat menjëherë në gjumë, sepse i lodhur nga treningu (qesh).
në dush?
Unë nuk këndoj, por qëndroj 1 orë dhe futem në mendime.
