Emaili i një profesori, i cili shprehet se ai duhej të anulonte orën e mësimit sepse u qëllua, ishte infektuar me COVID-19 dhe ishte në proçes divorci bëri xhiron në rrjet.
Përdoruesi i Tëitter @decentbirthday shpërndau mesazhin e dërguar nga mësuesi i gjuhës angleze Patrick Wilson të hënën e kaluar, duke shkruar: “Sapo kam marrë këtë email nga një prej profesorëve të mi”.
‘Për fat të keq, unë duhet të shtyj provimin dhe të anuloj mësimin ditën e enjte. Përkundër dëshirës time, por unë jam qëlluar dhe po trajtohem në spital, ‘shkruhet në email.
”Unë gjithashtu jam i infektuar me Covid-19 dhe madje jam në proces divorci. Nëse jam gjallë, provimi do të bëhet të hënën e javës tjetër. Vazhdoni të mësoni dhe mos harroni të kontrolloni ID-të tuaja! ‘’
Postimi është shpërndarë më shumë se 133,000. Menjëherë pasi mesazhi u bë viral, profesori besohet se u ka dërguar një mesazh studentëve duke i siguruar se ai do të bëhet mirë.
“Emaili im i fundit u bë viral në internet. Dua t’ju them se jam mirë dhe simptomat e Covid janë të lehta.Provimi do të behët ditën e hënë, pres nga ju të mos më mashtroni, siç bëri gruaja ime. Ju uroj fat të gjithëve”.
Ka pasur dyshime për vërtetësinë e emaileve dhe të vete personit në fjalë, por duket se ekziston një profesor anglez me emrin Patrick Wilson i cili jep mësim në College Pines Technical College, por është e paqartë nëse është ai që qëndron pas emaileve të pretenduara.
Por gjërat u bënë edhe më të çuditshme kur një grua me emrin Alice pretendoi se ajo ishte gruaja e profesor Wilson.
“Si gruaja e Patrick, unë dua të them se ndarjet janë të vështira për të gjithë. Unë e kritikoj se ai ka ndarë fakte nga jeta jonë private me studentët e tij’. Shumë njerëz e pyetën nëse ishte ajo që kishte qëlluar profesor Ëilson, por ajo refuzoi të shpjegonte se çfarë ndodhi apo nëse ishte e përfshirë.
