Rrëshqitje dherash në fshatin Klos të Mirditës, rrezikohet prishja e disa banesave, evakuohen banorët

Reshjet e dendura të shiut të shoqëruara me stuhi kanë shkaktuar përmbytje të shumta në disa zona, por dhe rrëshqitje të dherave.

Një situatë e tillë është regjistruar në fshatin Klos të njësisë Administrative Fan në Mirditë. Mësohet se nga reshjet me intensitet të lartë ka pasur rrëshqitje të dherave.

Ndërkohë, këto rrëshqitje rrezikojnë prishjen e banesave. Banorët janë evakuar nga policia në Mirditë, ndërsa janë njoftuar shërbimet e emergjencës së bashkisë Rrëshen.