Autoritetet shëndetësore në Itali, kanë bërë me dije se janë regjistruar 8.824 raste të reja nga 158.674 tamponë të kryer.
Nga të dhënat e buletinit të Ministrisë së Shëndetësisë, Italia duket se ka një përmirësim të situatës të pandemisë në 24 orët e fundit për herë të parë pas shumë javësh.
Gjithashtu, mësohet se në orët e fundit kanë humbur jetën si pasojë e koronavirusit 377 persona, po aq sa ishin dhe një ditë më parë.
Numri i personave të shtruar në spitale është rritur me 41 pacientë në terapi intensive dhe 127 pacientë në repartet e tjera COVID.
Prej fillimit të pandemisë Italia shënon 2.390.101 të infektuar dhe 82.554 viktima.
Shfaq Komentet (0)
